الحلال
جايه بالصدفه والدليل على ده انك كنت قايلي انك شغال سواق ألا قولي صح انت اترقيت
على فكره انا صاحب الشركه دي
تفاجئت هي لتحاول ان تخفي ذلك لتقول
ومالو صاحبها ولا مش صاحبها مش هيفرق انا جايه اقدم على شغل قبلتوني كان بها مقبلتونيش انتو الي خسرانين...
اقترب منها عده خطوات ليتأمل ارتباكها عن قرب ليقول
موظفه كفئ زيي
ضحك هو بملئ فاه ليقول بسخريه
اه موظفه جايه تشقطلها عريس
رفعت سبابتها امام عينيه لتقول
انا مسمحلكش على فكره وعيب تقول عليه كده
امال بتسمي ايه اول مره شوفتك فيها
دي كانت مرحله مراهقه متأخره وعدت الحمد لله
ههههههههههه وايه يضمنلي
ولا حاجه انا على فكره ولله انسانه محترمه بس انا فعلا مكنش قصدي الي عملته وعموما اديني ورقي وانا همشي وعادي يعني هشتغل في اي مكان تاني
اتفضلي بره
نعم!! تصدق أنك..
متكمليش بدال ما اقطعلك لسانك انا بقولك اتفضلي بره روحي للسكرتيره انتي اتعينتي خلاص
ايوه
طب ممكن اسالك سؤال
انا مش فاضيلك
هو انت بجد صاحب الشركه
لا
اصل بصراحه انت لايق عليك شغلانه السواق اكتر قوم بقى اجري روح شغلك قبل ما المدير يجي ينفخك
مدير... وينفخني. انا ابقى ابن صاحب الشركه ..
بقولك ايه انسى كلامي ده خالص انا كل ماجي اصلحها ابوظها
متزوقش بس انا طالعه اهوه بس قولي انتو هتشغلوني ايه
بتعرفي تعملي شاي وقهوه
اه
طيب يلا روحي استلمي شغلك
نعم!!!
لو مش عاجبك الباب يفوت جمل بس اعملي حسابك لو مشيتي من هنا مفيش حتى محل بقاله هيرضى يشغلك حتى امك هروح اقولها على الحوار اياه فكراه...
يوووه انا طالعه
بتبرطمي تقولي ايه
ولا حاجه انا رايحه استلم شغلي
يتبع
ياترا صاحب الشركه ناوي يعمل ايه في دعاء
بقلمي روني محمد
صاحب الشركه
دخلت دعاء الي غرفه مكتبه بعد ان استدعها لتقول
نعم ! بعتلي ليه
ايه القرف ده
كان يشير الي فنجانا من القهوه موضوعا على سطح المكتب لتقول بتحدي
ايه مش عجبك ارفدني
وقف ودار حول المكتب ليقول
ماشي وانا موافق يلا روحي عالحسابات وخدي حسابك ومع السلامه..
