مرات اخويا

وقبل ما نبدأ حكايتنا اعرفكم على بطلتنا اسمها أمنية عندها 25 سنة متجوزة ومنتقبة عايشه مع جوزها وامه في بيت واحد وفي يوم جوزها كان قاعد مع أمه وقالت له
الحما 
هي السنيورة مراتك كل يوم تتأخر على ماتنزل تعملي اللقمة اللي باكلها يامجدي اه مانا لو مخلفه راجل وحكمها كانت صحيت من النجمة ونزلت تشوفي طلباتي انما هاقول ايه انت مدلعها
مجدي
ايه ياما الكلام اللي انتي بتقوليه ده يعني ايه مدلعها دي ماهي بتنزل تعملك كل حاجة من غير ما انا اقولها ما انتي عارفة أمنية محترمة ومش محتاجة اني اقولها تعمل ايه ومتعملش ايه

الام
ااه مش بقولك مدلعها ده انا بشوف الراجل من دول طول النهار يشخط ويزعق في بيته لمراتة ولا بتقدر تفتح عنيها فيه
مجدي
طيب وانتي شايفه يعنى ان أمنية مش بتسمع كلامي ولا بتعمل اي حاجة من غير ما طلب منها دي مريحاني ياما وعمرها ماخلتني أعلى صوتي عليها لانها متربية
الام
والنبي ايه ده انت اللي خايب يابني وبيخيل عليك محڼ وسهوكة النسوان دي
مجدي
انتي عايزة ايه دلوقتي ياما عايزاني اطلع اجيبها من شعرها عشان ترتاحي ولا اعمل ايه
الام
ولا تعمل ولا تسوي ياحبيبي قوم اطلع لمراتك خليها تتدلعلك شوية حكم انت بتحب كده
مجدي
يوووه انا ماشي ياما نازل الشغل مش عايزة حاجة
الام
لا يابني عايزة سلامتك
وسابها ومشي وبعدها بشوية نزلت أمنية وقالت
صباح الخير ياماما
الحما بتريقة
صباح الزفت على دماغك ياختي ايه ناموسيتك كحلي ياعنيا كل ده نوم هو انتي مش عارفة اني رجلي تعباني ومش بقدر أقف اعمل الاكل
أمنية
معلش ياماما اصلي كان عندي صداع جامد بقالي يومين مكنتش قادرة اقوم من على السرير حقك عليا اني اتاخرت عليكي
الحما
بلا حق بلا باطل وياريت تبطلي دلع وكهن على مجدي شوية ياختي وكل شوية تفضلي تقوليلو انك تعبانة وهو ياعين امه يجري يجبلك علاج وهو ياضانيا مش معاه فلوس
أمنية
وانا هدلع عليه ليه بس واطمني انا لا بقوله هاتلى علاج ولا حاجة ده هو اللي بيفضل يتحايل عليا عشان يجيب لي حاجة للصداع وانا اللي مش برضى يعنى مش بكلفه حاجة
الحما
ااه شاطرة طيب يلا ياختي ادخلي على المطبخ اعملي الخضار اللي انا حطاه جوه اصل نفسي هفتني على المحشي النهاردة بعت البت سهير جارتي جابت لي الحاجة
أمنية
ايييه محشي ازاى طيب مقولتيش ليه من امبارح ياماما اني هعمل محشي انا معرفش انك عايزة محشي.
الحما
يوووه وفيها ياختي ايه لما اقولك دلوقتي ايه مش هتقدرى تعملي ولا مش هتقدرى
أمنية بنفاذ صبر قالت 
لا ان شاء الله هعملهولك ياماما طالما نفسك فيه هو انا عندي اغلى منك يعنى ياست الكل
الحما
لا ياحبيبتي انا مش باكل من الكلام ده اخلصي وادخلي على المطبخ عشان تلحقي تخلصي
ودخلت أمنية المطبخ وفضلت تعمل في الأكل طول النهار وتعبت من كتر الشغل في المطبخ وقالت
امنيه
انا خلصت كل حاجة اهو ياماما ممكن بقا اطلع شقتي ارتاح شوية انا ضهري وجعني ورجلي طول النهار واقفه عليها
الحما
لا استنى لما جوزك يرجع عشان تحطي له ياكل مانا مش هاقوم احطله انتي عارفة اني مش بقدر أقف على رجلي
أمنية
حاضر ياماما اديني هستني مجدي
وعند مجدي في الشغل كان قاعد مع واحد صاحبه بيقولو
مجدي 
انا مش عارف اعمل ايه في المرتب اللي بيطير قبل الشهر مايخلص ده يا هاني ده مفيش اول اسبوعين وبالسلامة
هاني
ايوه عندك حق يامجدي بس انت مش معاك عيال لسه وبتشتكي امال لما تخلف هتعمل ايه في الطلبات يامعلم
مجدي
والله