خلف الابواب
ومين جابها هنا معنى ان اللبن لسة سخن يبقي حد لسة حاططها حالا
حياة بتنده بصوت عالي ياعم محمد .. عم محمددددددد
عم محمد نعم يااستاذة
حياة انت اللي دخلت دي هنا
عم محمد لا والله ولا شوفتها اصلا
احنا لا عندنا خدم ولا حشم ولا ناس كتير رايحة جاية يعني ومفيش غيرك طب ايه اللي بيحصل
عم محمد اهدي بس يااستاذة حياه انا هقلب الدنيا لحد ماافهم ايه اللي بيحصل والله
كلهم علي السفرة بيفطروا
جمال زينب بقيتي عامله ايه دلوقتي
زينب الحمدلله يابابا .. حياة فضلت جنبي طول الليل مسابتنيش
جمال ربنا يخليكو لبعض وصلت لحاجة لما خرجت يا وليد
وليد ولا الهوا .. والبواب بيقولي ان محدش دخل ولا خرج من باب الفيلا اصلا
جمال اومال مين اللي عمل كدا يعني عفريت !!!
نوح خلاص ياحج متشيلش هم انا هشوف الحوار ده
عايزك تبقي تطلعي تقوليلهم كل حاجة عاوزاها تتعمل بالتفصيل وملكيش دعوة بالتكاليف انا مظبط كل حاجة
وفاء بترمي المعلقة من ايديها
نوح بيبص لوفاء ..
وبيرجع تاني يبص لحياة تمام
حياة خليهم يعملو اللي يعملوه يا نوح مش هتفرق كدا كدا
وليد ماما انا فيه سؤال مجنني عايز اسألهولك في حضور كل الناس كدا عشان انا وانتي لو اتكلمنا لوحدنا هنتخانق كالعادة
وفاء اتفضل انت كمان عايز ايه
وليد البنك بعتولي ماسدج إن فيه 150 الف اتسحبوا من كام يوم من الحساب بتاعنا انا وانتي وحياة
انا مسحبتهومش وحياة اكدتلي انها حتي محتاجتش فلوس عشان تسحب .. يعني كدا انتي اللي سحبتي
وليد السؤال واضح ياامي .. سحبتي 150 الف تعملي بيهم ايه
وفاء جرا ايه يا وليد انت هتحاسبني باخد ايه وبحط ايه دي فلوس أبوك الله يرحمه وسايبهالنا كلنا مش بتاعتك لوحدك
وليد وعشان هي فلوس ابويا اللي مش بتاعتي لوحدي فانا بسأل المبلغ ده كله راح فين .. الفلوس دي هي اللي هتأمن مستقبلك انتي واختي انا لو عليا راجل وهعرف اتصرف
وفاء احتاجتهم ياوليد وسحبتهم ايه الموضوع كبير اوي كدا
جمال لا ياوفاء هو ميقصدش ان الموضوع كبير بس احنا مش من أعيان البلد عشان نسحب 150 الف مرة واحدة احنا اه عايشين كويس في بيت كويس وبنلبس كويس بس في الآخر ربنا هو اللي ساترنا ومينفعش نبذر في القرشين اللي ساترنا لحد ما يخلصوا
وفاء بتبلع ريقها تمام ياجماعة انا واحدة
صحبتي من زمان حصلها أزمة واحتاجت المبلغ ده
