بابا وخطيبى
تدفع وتجيب لها جهاز طيب هنشوف
وبعدها بكام يوم بابا كلم رؤوف عشان يحدد معاه ميعاد الخطوبة
رؤوف
ماتعرفيش ياولاء انا فرحان اد ايه من ساعت بابا ماقالي على ميعاد الخطوبه
ولاء
انا كمان يا رؤوف فرحانة اوي بس مش عارفه ليه منال عايزانا نعيش معاهم
رؤوف
دي بتحبك على فكره ياولاء وانتي ظلماها
ولاء
لا طبعا مش ظلماها ولا حاجة دي هي فعلا مش بتحبني عشان كده يا رؤوف انا عايزاك تطلب من بابا اننا نعيش لوحدنا في شقتك
هو انااا هحاول معاه ياحبيبتي
وراح رؤوف الشركة وقابل مصطفى بتاع الحسابات وقاله
ها يامصطفى ايه الاخبار اوعي حد يراجع وراك ويكشف لعبنا في ورق المناقصة انت عارف ان يحي مطمن لينا وانا عايز افضل منيمة كده
مصطفى
متقلقش يارؤوف بيه انا مظبط كل حاجة ده حتى لو يحيى بيه راجع ورانا هيلاقي الورق كله سليم ميه في الميه
ايوه كده يامصطفى عفارم عليك انا برضو كان ليا حق لما اخترتك تكون الراجل بتاعي
مصطفى
تسلم يارؤوف باشا ده كله بتوجيهات ساعتك طبعا
رؤوف
شكرا يامصطفى وابقي إصرف لنفسك مكافأة محترمة كده وتأكد اني عمري ماهستغني عنك ابدا
مصطفى
ربنا يبارك فيك ده خيرك مغرقني ياباشا تسلم وقفل مصطفى رؤوف وقال لنفسه
ههههه خليك كده مغفل وساكت بالكام مليم اللي بضحك عليك بيهم يارؤوف ده انت كنز واتفتحلي وبرضو مش هتقدر تستغني عني
ايوه ياعمهم كله تمام وصاحبك اكل الطعم انا بقا هجبلك ورق المناقصة الأصلي وانت اتعامل بمعرفتك
مجهول
انت ياض طلعت بلوه مسيحة ومتقلقش نصيبك من العمليه دي محفوظ
مصطفى
الف شكر ياباشا سلام دلوقتي
في البيت عند منال
الوو ايوه يا رؤوف عملت ايه في موضوع المناقصة
رؤوف
متقلقيش ياحب كله تمام الواد المحاسب ده عقر ومظبط الدنيا مانتي عارفة مجايبي ياموني
ايوه كده والله لخلي يحي يبع اللي وراه واللي قدامة عشان يبقا يتحداني ويصمم يجهز البت
رؤوف
على فكرة دي مش عايزة تعيش معاكي وعايزاني اخدها ونتجوز في شقتي
منال
ده بعينها لو ده حصل خليها تحلم ياحبيبي بس الشاطر هو اللي يضحك في الاخر
وجه يوم الخطوبه وبابا عملها في بيته
يحي
الف مبروك ياولاد ربنا يتمم بخير انا فرحان ليكي يا لولو
الله يبارك فيك يابابا ربنا يخليك ليا يارب
منال
مش يلا ياعريس تلبس الشبكة لعروستك
وفعلا رؤوف لبسني الشبكة وقالي
الف مبروك ياحبيبتي النهارده اسعد يوم في حياتي
ولاء
انا كمان يارؤوف اسعد يوم في حياتي
منال واقفه وعماله تبصلي بغيظ
يحي
ايه رايك ياقلبي في الشبكة بتاعت ولاء تجنن مش كده ده زوقي على فكره انا اللي اخترتها مع رؤوف
جميلة طبعا ياحبيبي وانت اصلا طول عمرك زوقك يجنن امال انت اختارتني من فراغ
يحي
ههههه اومال ياقلبي انا برضو كان عندي زوق لما اختارتك
منال بدلع
طيب مش هتجبلي خاتم الماظ زي بتاع ولاء ده بقا
يحي
بس كده ده انا هجبلك احلى منه بكتير ياقمر
وبعد كام يوم في الشركة
يحي
ها يا رؤوف ورق المناقصة جاهز المفروض يتسلم بكرة
رؤوف
اطمن يا يحيى بيه كله تمام والورق هيتسلم في ميعادة
يحيى
تمام يارؤوف انت عارف لو كسبنا المناقصة دي يارؤوف الشركة هتتنقل ناقلة تانية خالص وانت بقا هيبقا ليك نسبة محترمة
رؤوف
انا مش عايز غير رضاك عني ياحمايا العزيز
يحيى
لا بجد يارؤوف اللي انت بتعمله لمصلحت الشركة تستاهل عليه مكافأة كبيرة جدا
رؤوف
تسلملي ياحمايا طيب انا هاروح مكتبي واتابع الشغل عن اذنك
ويوم النتيجه بتاعت المناقصة بابا خسرها وقال
ازاى الكلام ده يارؤوف انت كنت مقدم اقل عطا في السوق
رؤوف
والله يا يحيى بيه ماعرف ايه اللي حصل انا كنت مظبط كل حاجة لكن النصيب جه كده بقا على العموم احنا مخسرناش
